கடந்த செப்டம்பர் மாதம் நடைபெற்ற முதுநிலை ஆசிரியர் பணிக்கான தேர்வு முடிவுகள் தற்போது வெளிவந்துள்ளது. இதனை எப்படி பார்ப்பது என்பது பற்றிய விபரங்களை இங்கு காணலாம்.
தமிழகத்தில் காலியாக உள்ள 2,340 முதுநிலை ஆசிரியர்கள், உடற்கல்வி இயக்குநர் பணியிடங்களை நிரப்பும் பொருட்டு, கடந்த செப்டம்பர் மாதம் தேர்வுகள் நடத்தப்பட்டது. இதற்கு சுமார் 1.85 லட்சம் பேர் விண்ணப்பித்து இருந்தனர்.
தமிழ்நாடு முழுவதும் அரசு வேலை! 8 ஆம் வகுப்பு படித்திருந்தால் போதும்!!
இந்நிலையில், முதுநிலை ஆசிரியர் பணித் தேர்வுக்கான முடிவுகள் வெளிவந்துள்ளது. விண்ணப்பதாரர்கள் இதனை ஆசிரியர் தேர்வு வாரியத்தின் அதிகாரப்பூர்வ இணையதளமான http://trb.tn.nic.in என்ற பக்கத்தில் தெரிந்து கொள்ளலாம். மதிப்பெண் விபரங்கள் பாடங்கள் வாரியாக வெளியிடப்பட்டுள்ளது.
அதாவது, தமிழ், ஆங்கிலம், இயற்பியல், தாவரவியல், புவியியல், வணிகவியல், அரசியல், உடற்கல்வி, உயிரி வேதியியல், நுண்ணுயிரியல், ஹோம் சைன்ஸ், இந்திய கலாச்சாரம் என ஒவ்வொன்றும் தனித்தனி மதிப்பெண் விபரங்களாக வெளியிடப்பட்டுள்ளது. விண்ணப்பதாரர்கள் தங்கள் துறை சார்ந்த பாடத்தை தேர்வு செய்து மதிப்பெண் பட்டியலை பதிவிறக்கம் செய்து கொள்ளலாம்.