ஈர்ஒற்று மயக்கம்

6.4 ஈர்ஒற்று மயக்கம் ஒரு மெய் எழுத்துக்கு அடுத்து வேறொரு மெய்எழுத்து, உயிர்மெய் எழுத்துடன் வராமல் தனி மெய் எழுத்தாகவும் வருவது உண்டு. அவ்வாறு இரண்டு மெய் எழுத்துகள் சேர்ந்து வருவதை ஈர்ஒற்று மயக்கம் என்று கூறுவர். எடுத்துக்காட்டு: புகழ்ச்சி இதில் 'ழ்' என்னும் மெய் எழுத்துக்குப் பின் 'ச்' என்ற மெய் எழுத்து வந்துள்ளது. இந்த 'ச்' என்னும் எழுத்து உயிர்மெய்யுடன் சேர்ந்து வராமல் தனி மெய் எழுத்தாகவே வந்துள்ளது. ஈர்ஒற்று மயக்கம் வரும் இடங்கள்: ய், ர், ழ் என்னும் மூன்று மெய் எழுத்துகளை அடுத்து, க், ங், ச், ஞ், த், ந், ப், ம் ஆகிய மெய் எழுத்துகள் ஈர்ஒற்றுகளாகச் சேர்ந்து வரும். • 'ய்' என்னும் எழுத்துடன் ஈர்ஒற்று வருதல் நாய்க்கால் - க் வேய்ங்குழல் - ங் காய்ச்சல் - ச் மெய்ஞ்ஞானம் - ஞ் மேய்த்தல் - த் பாய்ந்தது - ந் வாய்ப்பு - ப் செய்ம்மன (செய்யுளில் மட்டுமே வரும்) • 'ர்' என்னும் எழுத்துடன் ஈர்ஒற்று வருதல் பார்க்கிறாள் - க் ஆர்ங்கோடு - (ஆத்திமரக்கிளை) - ங் உயர்ச்சி - ச் ஞ் - வழக்கத்தில் இல்லை. பார்த்தல் - த் ஊர்ந்து - ந் தீர்ப்பு - ப் ம் - வழக்கத்தில் இல்லை. • 'ழ்' என்னும் எழுத்துடன் ஈர்ஒற்று வருதல் வாழ்க்கை - க் பாழ்ங்கிணறு - ங் வீழ்ச்சி - ச் ஞ் - வழக்கத்தில் இல்லை வாழ்த்து - த் வாழ்ந்து - ந் தாழ்ப்பாள் - ப் ம் - வழக்கத்தில் இல்லை.