டிஎன்பிஎஸ்சி குரூப் 4 தேர்வில் 3 லட்சம் பேர் பங்கேற்கவில்லை- வீடியோ
சென்னை: டிஎன்பிஎஸ்சி குரூப் 4 தேர்வு எழுதியவர்களுக்கு ஜாக்பாட் அடித்துள்ளது. சமீபத்தில் 6491 பணியிடங்களுக்கு தேர்வு நடந்து முடிந்த நிலையில், காலிப்பணியிடம் 9398 ஆக அதிகரித்துள்ளதாகவும், எனவே அதற்கு ஏற்றார் போல் பட்டியல் தயாரித்து வெளியிடப்படும் என்று டிஎன்பிஎஸ்சி அறிவித்துள்ளது.
இந்த தேர்வுமுடிவுகள் வெளியிடப்பட்டது. அதாவது தேர்வு எழுதியவர்கள் பெற்ற மதிப்பெண்கள் மற்றும் அவர்களது தரவரிசை ஆகியவை கடந்த 12ம் தேதி வெளியிடப்பட்டது.
இதனிடையே 2018, 2019ம் ஆண்டுக்கான குரூப்4 காலிபணியிடங்கள் 6491ல் இருந்து 9398 ஆக உயர்ந்துள்ளது. அதாவது கிராம நிர்வாக அலுவலர் பணியிடங்கள் 397ல் இருந்து 607 ஆக உயர்ந்துள்ளது. இளநிலை உதவியாளர்(பிணையமற்றது) 2688, இளநிலை உதவியாளர் (பிணையம்) 104, வரித்தண்டலர்(கிரேடு1) 34 என 4558 ஆக பணியிடங்கள் உயர்ந்துள்ளது,
தட்டச்சர் 1091ல் இருந்து 2734 ஆகவும், சுருக்கெழுத்து தட்டச்சர் (கிரேடு 3) 784ல் இருந்து 994 ஆகவும், நில அளவர் 509ல் இருந்து 505ஆகவும் ஆக்கப்பட்டுள்ளது. வரைவாளரில் 74 பணியிடங்கள் திரும்பப் பெறப்பட்டுள்ளது.
தற்போது அதிகரிக்கப்பட்ட காலிப்பணியிடங்களும் கணக்கில் கொள்ளப்பட்டு சான்றிதழ் சரிபார்ப்பிற்கு என தேர்வு செய்யப்பட்டுள்ளவர்களின் பட்டியல் விரைவில் தேர்வாணைய இணையதளத்தில் வெளியிடப்படும்" இவ்வாறு அந்த அறிவிப்பில் கூறியுள்ளார்.
இதனால் குரூப் 4 காலி பணியிடங்கள் தேர்வுக்கு பிறகு திடீரென அதிகரித்து இருப்பதால் தேர்வு எழுதியவர்கள் நமக்கும் அரசு பதவி கிடைக்க வாய்ப்பு இருப்பதாக சந்தோஷத்தில் இருக்கிறாரகள்.